Lapu Lapu City – Nagsagawa ang mga tauhan ng MARPSTA ng Underwater “SCUBAsurero” Clean-up Drive sa Maribago Bay, Lapu-Lapu City, Cebu nito lamang Biyernes ika-9 ng Setyembre 2022.
Ang aktibidad ay aktibong pinangunahan ng Cebu City MARPSTA sa pangunguna ni Police Staff Sargent Dexter P Benolirao katuwang ang Nalu Dive sa pangunguna ni Mr Kenneth Traya, Savior of the Sea at iba pang mga professional at volunteer diver ng Kontiki Marina Maribago, Lapu Lapu City.
Sa naturang aktibidad ay nakalikom ang grupo ng iba’t ibang uri ng mga basura mula sa karagatan.
Layunin ng aktibidad na himukin ang mamamayan na iwasan ang pagtatapon ng basura sa karagatan upang mapanatili ang likas na ganda ng ating yamang dagat at bigyan ng tapat na malasakit ang ating kapaligiran.
Panulat ni Patrolman Carl Philip L Galido
