Negros Occidental – Nagsagawa ng Underwater Clean-up Drive ang San Carlos City Police Station sa Sto. Dapdap, Brgy. San Juan, Sipaway, San Carlos City, Negros Occidental nito lamang ika-16 ng Setyembre 2022.
Ang aktibidad ay pinangunahan ng San Carlos PNP sa pamumuno ni Police Lieutenant Colonel Jesus B Mesahon Jr, Chief of Police kasama ang mga tauhan nito.
Nakilahok din nasabing aktibidad ang PNP Maritime Group, 2nd Mobile Platoon, 605th Company RMFB6, Philippine Coast Guard, Nabingkalan Eagles Club, BPSO, Aspirants of Bacolod Eagles Club at iba pang Advocacy Support Group.
Ang aktibidad ay tinaguriang “PNP Scubasurero” na naglalayong linisin ang mga basurang nakakalat at mapanatiling ligtas ang karagatan para sa mga yamang dagat at maiwasan ang paglala ng polusyon.
Life is Beautiful, Tulong-Tulong tayo, yan ang layunin ng aktibidad na himukin ang mamamayan na iwasan ang pagtatapon ng basura sa karagatan upang mapanatili ang likas na ganda ng ating yamang dagat at bigyan ng tapat na malasakit ang ating kapaligiran.
