Candanay Norte, Siquijor – Nagsagawa ang mga tauhan ng Siquijor Police Provincial Office (PPO) ng Underwater at Coastal Clean-up Drive sa Barangay Fisher Folks Candanay Norte, Siquijor nito lamang Hulyo 23, 2022.
Ang aktibidad ay pinangunahan ni Police Colonel Roberto D Lingbawan, Provincial Director ng Siquijor PPO, katuwang ang mga miyembro ng 11th IB, Philippine Army, CGS Siquijor, PIA Siquijor, PCGA, One Siquijor Rescue, Provincial Tourism Office, Youth for Peace El Fuego Chapter, Himamat Peace Camp Youth Volunteers, Barangay Officials ng Candanay Norte at iba pang ahensya ng pamahalaan.
Ayon kay Police Colonel Lingbawan, hangad ng naturang programa na panatilihin ang kalinisan at pangalagaan ang mga likas na yaman ng naturang probinsiya.
Dagdag pa nito, ang aktibidad ay isa ring paraan upang ipaalam sa mga residente ang malaking gampanin ng mga ito sa pangangalaga at pagpapatuloy ng maganda at maunlad na turismo.
Siniguro naman ng Siquijor PNP na kasabay ng kanilang pinaigting na pagpapatupad ng batas ay ang patuloy na pagsuporta at pagtupad sa mga programang nakatuon sa pagpapabuti ng ating kalikasan.
###
