Pinuri ni NCRPO Regional Director, Police Major General Felipe Natividad, ang mahigit 22,000 na nadeploy sa unang State of the Nation Address (SONA) ni Pangulong Ferdinand “Bongbong” Romualdez Marcos Jr. na ginanap sa Batasang Pambansa, Quezon City nito lamang Lunes, Hulyo 25, 2022.
Binubuo ito ng NCRPO, Police Regional Office 4A at 3, Special Action Force, JTF-NCR, Philippine Coast Guard, Bureau of Fire Protection, Bureau of Jail Management and Penology, Metro Manila Development Authority, Office of Civil Defense at Department of Health.
Ayon kay Police Major General Natividad, humigit kumulang limang libo na nagprotesta ang dumating na nagpahayag ng kanilang mga hinaing at sentimyento sa gobyerno habang humigit kumulang anim na libo na pro-government group naman ang nagsagawa rin ng mga programa at presentasyon upang suportahan ang mga plano ng kasalukuyang administrasyon.
Maliban sa isinagawang safety and security operations, ipinatupad din ng mga naka-deploy ang minimum health standard and safety protocols para mapigilan ang muling pagtaas na kaso ng COVID-19.
Dahil walang nasaktan at wala ring karahasan ang nangyari sa SONA ni PBBM, maituturing ni PMGen Natividad na kanilang natugunan ang security deployment na inilatag ng iba’t ibang ahensya at muling nakamit ang ligtas, mapayapa at maayos na aktibidad ng gobyerno.
Source: PIO NCRPO
###
