Camp Crame – Naging matiwasay ang unang araw ng KASIMBAYANAN Volunteers National Congress na ginanap sa PNP Transformation Oval, Camp Crame, Quezon City nito lang umaga ng Marso 30, 2023.
Ang programa ay pinangunahan ng Directorate for Police Community Relations, sa pangangasiwa ni Police Major General Mario Reyes, Director, katuwang ang Police Community Affairs and Development Group, na pinangangasiwaan ni Acting Director Police Colonel Lou Evangelista.
Aktibong nakilahok naman ang miyembro ng iba’t ibang religious sectors at mga kapulisan mula sa lahat ng Police Regional Offices sa bansa.
Tampok sa naturang programa ang Caravan of PNP Frontline Services kabilang ang e-sumbong, Legal Consultation, Medical Consultation and Psychological Support, Cybercrime Investigation, Motor Vehicle Registration Clearance, International Help Desk (PNP of Help) National Police Clearance, License To Own and Possess Firearms, Women and Children Protection Desk.
Sa ikalawang bahagi ng programa ay nagkaroon ng talakayan at open forum patungkol sa KASIMBAYANAN.
Inaasahan naman na mas marami pang makikibahagi sa ikalawang araw ng KASIMBAYANAN Volunteers National Congress na gaganapin bukas, ika-31 ng Marso 2023 sa Filoil EcoOil Center, Brgy. Corazon de Jesus, San Juan City.
