Tuluyan nang winakasan ang pakikibaka at kusang nagbalik-loob sa pamahalaan ang isang miyembro ng Underground Mass Organization sa Barangay Pabanog, Paranas, Samar nito lamang Agosto 20, 2024.
Kinilala ni Police Lieutenant Colonel Alex C Dang-Aoen, Force Commander ng 2nd Samar Provincial Mobile Force Company ang nagbalik-loob na si alyas “Jaime”, 55 anyos, magsasaka na residente ng Baranhay Pagsang-an, Paranas, Samar at miyembro ng parag-uma SRC-BROWSER.
Ang matagumpay na pagbabalik-loob nito ay resulta ng pagsisikap at panawagan ng mga tauhan ng 2nd Samar Provincial Mobile Force Company kasama ang Regional Intelligence Unit 8 at 802nd Maneuver Company, Regional Mobile Force Battalion 8.
Samantala, nakatanggap naman ang nagbalik-loob ng agarang tulong pinansyal at grocery items mula sa mga kapulisan.
Ang nasabing surrenderee ay nasa kustodiya na ng 2nd Samar PMFC bago sumailalim sa programa ng ating gobyerno na Enhanced Comprehensive Local Integration Program o E-CLIP.
Ang pagbabalik-loob ng dating miyembro ng UGMO ay nagpapakita na ang ating gobyerno ay seryoso nang wakasan ang insurhensiya at terorismo sa bansa upang makamit ang isang bayan na ligtas, mapayapa at maunlad tungo sa minimithi natin na Bagong Pilipinas.
Panulat ni Patrolwoman Ma. Elena B Singian
