Camp S.K Pendatun, Parang Maguindanao – Pinangunahan ng Deputy Chief PNP for Administration, PLtGen Jose Chiquito Malayo ang Turnover of Office Ceremony sa bagong pamunuan ng Police Regional Office BAR na ginanap sa Camp Salipada K Pendatun, Parang, Maguindanao noong ika-16 ng Agosto 2022.
Itinalaga bilang bagong Regional Director ng PRO BAR si PBGen John Gano Guyguyon na papalit kay PBGen Arthur Cabalona na nanungkulan ng anim na buwan bilang Regional Director ng PRO BAR na magiging Acting Deputy Commander ng Area Police Command-Eastern Mindanao.
Si PBGen Guyguyon ay kabilang sa Philippine National Police Academy (PNPA) “Tagapagkalinga” Class 1991, ay nagpasalamat para sa tiwala at kompyansa na ibinigay sa kanya bilang bagong mamumuno sa Police Regional Office BAR at sinabi rin na magkakaroon sa Rehiyon ng M- Malasakit, K- Kaayusan, K- Kapayaan tungo sa K- Kaunlaran na programa ng Chief PNP, PGen Rodolfo S Azurin, Jr.
Pinasalamatan naman ni PLtGen Malayo si PBGen Cabalona, Outgoing Regional Director sa loob ng anim na buwan ng magandang serbisyo sa Rehiyon ng Bangsamoro.
Samantala, Si PBGen Cabalona ay kabilang sa PNPA “Tagapagpatupad” Class 1992 ay nagpasalamat sa suporta na ibinigay sa kanya sa loob ng anim na buwang panunungkulan sa PRO BAR.
Dagdag pa, ang PRO BAR ay isa sa gumaganap ng mga pangunahing tungkulin sa mga hakbangin sa pagbuo ng kapayapaan sa Bangsamoro Autonomous Region.
Pinasalamatan naman ng buong pamunuan ng PRO BAR ang mga local representatives na dumalo sa nasabing turnover ceremony mula sa iba’t ibang probinsya at bayan na nasasakupan ng rehiyon.
Nagtapos naman ang seremonya sa sabayang pag-awit ng PNP Hymn ang “PNP Lingkod ng Bayan” na sinabayan ng PRO BAR BAND.
###
Panulat ni Patrolman Mark Vincent Valencia
