Legazpi City – Pinangunahan ni PGen Rodolfo Santos Azurin, Jr, Hepe ng Pambansang Pulisya ang Turnover of Command Ceremony ng Police Regional Office 5 na ginanap sa Camp BGen Simeon A Ola, Legazpi City nitong Martes, Pebrero 28, 2023.
Si PBGen Westrimundo Obinque ay magsisilbi bilang bagong Regional Director ng Police Regional Office 5 at si former RD naman na si PBGen Rudolph Botengan Dimas, ay ang magiging Director ng Special Action Force (SAF).
Nagpahayag ng pasasalamat si PBGen Dimas sa Hepe ng PNP sa ibinigay nitong tiwala sa kanya na pamunuan ang SAF.
Batay sa mga tagumpay ng kanyang hinalilihan, ipinangako niyang dadalhin ang Unit sa mas mataas na antas ng tagumpay dahil ito ay nagsisilbing “pangunahing kalamnan” ng puwersa ng pulisya sa pagsasagawa ng mga operasyon laban sa kriminalidad, insurhensiya at terorismo.
Pahayag naman ni PBGen Obinque, sa pagkakatalaga niya bilang bagong Regional Director ng PRO5 na kanyang ikinagagalak na makadaupang palad at makasama ang KASUROG COPS upang maisakatuparan ang mga tungkuling iniatang at mapanatili ang kapayapaan sa Rehiyong Bicol.
Ang lahat ng ito ay isasakatuparan ng KASUROG Cops na may “DISIPLINA”, na aligned naman sa Peace at Security Framework ng PNP na Malasakit +Kaayusan+ Kapayapaan= Kaunlaran.
Samantala, sa ibinigay namang mensahe ni PGen Azurin Jr, kanyang pinabatid sa bagong talagang Regional Director ng PRO5 na palakasin pa ang buong puwersa ng PNP Bicol upang patuloy itong magsumikap na mapanatili ang kapayapaan para sa kaunlaran ng buong Rehiyong Bicol.
