Cebu – Naging matagumpay ang isinagawang Turn-over ng ika-6 na “Tindahan mo, Ablihan ni Tsip” at Feeding Program ng mga tauhan ng Carmen Police Station sa Barangay Puente, Carmen, Cebu nito lamang Pebrero 23, 2023.
Ang nasabing programa ay pinangunahan ni Police Major Eric Gingoyon, Chief of Police ng Carmen Police Station kasama ang naging pangunahing pandangal at tagapagsalita na si Hon. Al Silvestre Damiles, SB Member at Mr. Richard Sarad, Vice Chairman, Municipal Advisory Council at iba pang mga kilalang panauhin.
Pinangunahan ni Pastor Gerald Ace Cruz, KASIMBAYANAN Spiritual Community Adviser ang pagbebendisyon ng naturang tindahan.
Ang “Tindahan mo, Ablihan ni Tsip” Project ay binuo ng Carmen PNP katuwang ang mga stakeholders na naglalayong patuloy na makapaghatid ng tulong at matugunan ang pangangailangan ng mga Carmenanon.
Kagalakan at pasasalamat ang naging bakas sa mukha ni Nanay Marie Cagampan, 52, isang solong ina at may 4 na anak sa handog ng kapulisan katuwang ang iba’t ibang ahensya ng pamahalaan sa tindahan at feeding program para sa lahat ng dumalo at nakibahagi sa programa.
