Talisay City, Cebu – Inilunsad ng Talisay City Police Station ang Turn-over ng Housing Project sa isang pamilya sa Barangay Mohon, City of Talisay Cebu nito lamang Disyembre 12, 2022.
Ang aktibidad ay personal na tinungo ni Police Lieutenant Colonel Randy Tedio Caballes, Chief of Police at mga tauhan nito katuwang si Police Captain Jose Nilo T Abello, DCOP.
Naisakatuparan ang aktibidad sa pakikipagtulungan ng Talisay City Chamber of Commerce, City Advisory Council na pinamumunuan ni Mr. Cyril Velasco at Aksyon Agad Team na pinamumunuan ni Mayor Samsam Gullas.
Sa pamamagitan ng pagsisikap ng kapulisan ay opisyal na tinanggap ng recipient na mag-asawang sina Nanay Marites at Tatay Rosello Tumulak ang kanilang bagong bahay, bigas at groceries.
Nagpaabot naman ng taos-pusong pasasalamat si Nanay Marites at kanyang pamilya sapagkat ayon sa kanya isa lamang siyang kasambahay habang ang kanyang asawa ay e-bike driver at may anak na PWD.
Ang naturang programa ng himpilan ay isang palatandaan at pamamaraan ng mga kapulisan upang mabigyan ng bagong bahay ang mga kababayan natin na kapuspalad at ipadama ang pagmamahal at pagkalinga sa kanilang mga nasasakupan.
