Isabela – Nagsagawa ng Community Outreach Program ang Tumauini PNP sa pangunguna ni Police Major Charles Cariño na ginanap sa Dallaya Elementary School, Brgy. San Vicente, Tumauini, Isabela nitong ika-4 ng Abril 2023.
Katuwang sa aktibidad ang Tumauini Masonic Lodge # 251 na pinangunahan ni Police Major Ericson Aniag, Worshipful Master at iba pang miyembro nito; Dr. Rizaldy Barcarse Jr., MHO, Tumauini; Dr. Rizalina S. Sagaysay, President, Federation Citizen Crime Watch, Region 2; Dr. Maribel Agcaoili, President, Isabela-Quirino Dental Cluster; at Philippine Army-Reservist.
Isinagawa ang aktibidad sa pamamagitan ng feeding program, medical at dental check-up, free tooth extraction, eye consultation at pamamahagi ng eye glasses, alcohol at dental kit sa mga mag-aaral at residente ng naturang barangay.
Nagsagawa din ng clean-up drive sa bakuran ng naturang eskwelahan at libreng gupit sa mga bata.
Lubos ang pasasalamat ng mga guro at magulang sa mga isinagawa at ipinamahagi para sa mga mag-aaral at residente ng nasabing barangay. Makikita ang galak sa mata ng mga bata at masigla silang nakisalamuha sa kapulisan.
Layunin ng aktibidad na matugunan ang ibang pangangailangan ng mga residente. Isa ito sa mga paraan upang maisakatuparan ng lubos ang pagsulong ng kaayusan at kapayapaan sa komunidad.
Source: Tumauini MPS
Panulat ni PSSg Jerlyn V Animos
