Nagsagawa ng PNP Community Outreach Program ang Tumauini PNP sa pamumuno ni Police Major Charles Cariño, Chief of Police, na ginanap sa Brgy. Simsim, Abajo, Tumauini, Isabela nitong ika-3 ng Nobyembre 2022.
Naisagawa ang aktibidad sa pamamagitan ng pamamahagi ng food packs na nagmula sa suporta ng stakeholder na si Mrs. Leticia Bacani Hessler.
Samantala, hinimok din ng kapulisan ang mga mamamayan na makiisa sa programa ng PNP na pangkapayapaan at huwag magpalinlang at huwag umanib sa mga grupo na lumalaban sa gobyerno.
Layunin ng kapulisan na makuha ng lubusan ang kalooban at tiwala ng komunidad bilang suporta sa National Task Force to End Local Communist Armed Conflict (NTF-ELCAC) program at isa sa mga paraan ng pagsasagawa ng Community and Service-Oriented Policing System (CSOP).
Source: Tumauini Police Station
Panulat ni PSSg Jerlyn V Animos
