Nagsagawa ng Community Outreach Program na may temang “KAGGAWAK-KU, PAGAYAYYA MU” (Kaarawan Ko, Kasiyahan Mo) sa pangunguna ni Police Major Charles Cariño, Acting Chief of Police na ginanap sa Brgy. San Pedro, Tumauini, Isabela noong ika-28 ng Oktubre 2022.
Sumuporta at nakiisa ang nga stakeholder at sponsor sa aktibidad na sina Hon. Venus T Bautista, Municipal Mayor, mga SB members at Punong Barangay ng Brgy. San Pedro, Tumauini, Isabela.
Naisagawa ang pamamahagi sa mga bata ng school supplies alinsunod sa Project AKLAT (Aspirations to guide youth and cultivate their thoughts towards a better future).
Nagpamahagi din ng grocery items, nagsagawa ng free haircut sa lahat at feeding program.
Ayon kay PMaj Cariño, ginawang tema ang “Kaarawan Ko, Kasiyahan Mo” dahil sa halip na maghanda ng salu-salo sa kaarawan ng kapulisan, pinang-ambag nila ito para sa aktibidad.
Layunin ng aktibidad na ito na mapaigting ang relasyon ng kapulisan sa komunidad at maiparamdam sa kanila ang malasakit at suporta ng pamahalaan alinsunod na rin sa pagsuporta at pagsulong ng National Task Force to End Local Communist Armed Conflict (NTF-ELCAC).
Source: Tumauini Police Station
Panulat ni PSSg Jerlyn V Animos
