Talisay City, Cebu – Timbog sa buy-bust operation ng Cebu City PNP ang isa umano’y tulak ng droga sa Purok Ilang-ilang, Brgy. San Isidro, Talisay City nito lamang madaling araw ng Sabado, Nobyembre 19, 2022.
Kinilala ni Police Colonel Rommel Ochave, Officer-In-Charge, Cebu Police Provincial Office, ang suspek na si alyas Che-Che, 31, residente ng Purok Ilang-ilang Brgy. San Isidro, Talisay City.
Ayon kay PCol Ochave, ikinasa ang operasyon bandang 2:30 ng madaling araw sa pinagsanib na pwersa ng mga operatiba ng Provincial Intelligence Unit/Provincial Drug Enforcement Unit, CPPO sa pangunguna ni Police Lieutenant Colonel Mark Lester D Eteroza at mga tauhan ng Talisay City Police Station.
Nakuha sa suspek ang tinatayang 25 gramo ng hinihinalang shabu na may Standard Drug Price na Php170,000, isang black pouch at buy-bust money.
Kasong paglabag sa Section 5 at 11, Article II ng RA 9165 o ang Comprehensive Dangerous Drugs Act of 2002 ang kakaharapin ng suspek.
Pinuri naman ni PCol Ochave ang naging matagumpay na operasyon ng mga tauhan at tiniyak na ang mga kapulisan ng Cebu PPO ay lalong magsisigasig upang mahuli ang mga taong patuloy na tumatangkilik at nagbebenta ng ilegal na droga.
