Iloilo City – Timbog ang isang miyembro ng LGBTQIA+ matapos masakote sa isinagawang drug buy-bust operation ng City Drug Enforcement Unit at Iloilo City Police Station 4 sa Brgy. San Pedro, Molo, Iloilo City noong ika-19 ng Mayo 2023.
Kinilala ni Police Lieutenant Colonel Antonio Benitez, Hepe ng CDEU, ang naaresto na si alyas “Ay-ay”, 33, residente ng Barangay West, Habog-habog, Molo, Iloilo City at itinuturing na High Value Individual ng City Drug Enforcement Unit.
Ayon kay PLtCol Benitez, halos isang linggong isinailalim sa surveillance ang subject person bago isagawa ang operasyon na nagresulta nga sa pagkakaaresto nito.
Ayon pa kay PLtCol Benitez, narekober kay “Ay-ay” ang 7 plastic ng suspected shabu na may bigat na 60 gramo na may tinatayang halaga na aabot sa Php408,000.
Mahaharap ang suapek sa kasong paglabag sa RA 9165 o Comprehensive Dangerous Drugs Act of 2002.
Patuloy ang pagpapaigting ng Iloilo City PNP sa kampanya kontra ilegal na droga upang mapuksa ito sa syudad at mahuli ang mga personalidad na sangkot dito.
