Tacloban City – Arestado ang isang tulak ng droga sa isinagawang buy-bust operation ng mga tauhan ng Tacloban City PNP sa Brgy. 69, Anibong, Tacloban City noong Lunes, Hunyo 6, 2022.
Kinilala ni Police Major Winrich Laya Lim, Station Commander ng Tacloban City Police Station 2 ang naaresto na si Filfrank Segunda y Cablao, 36, single at residente ng Brgy. 68, Anibong, Tacloban City.
Ayon kay PMaj Lim, naaresto ang suspek bandang alas 7:50 ng gabi sa joint operation ng Special Drug Enforcement Unit ng Tacloban City PS2 at ng Philippine Drug Enforcement Agency Regional Office 8.
Ayon pa kay PMaj Lim, nakumpiska sa suspek ang isang piraso na heat-sealed transparent plastic sachet na naglalaman ng hinihinalang shabu (Subject of Sale) na binili mula sa suspek na nagkakahalaga ng Php5,000; kulay pula/orange na naglalaman ng pitong pirasong heat-sealed transparent plastic sachet ng pinaghihinalaang shabu (subject of possession); isang Php500 peso bill na may serial no. DK452422 (Genuine); apat na Php1,000; isang pirasong Php500 na pekeng pera; isang unit 110 RUSI single motorcycle na kulay orange na may plate no. 381HJW na may helmet at susi.
Ang mga nakumpiskang droga ay humigit-kumulang anim na gramo ang bigat na may tinatayang street value na Php56,000.
Ang suspek ay nahaharap sa kasong paglabag sa Art. II Section 5 at 11 ng R.A. 9165 o Comprehensive Dangerous Drugs Act of 2022.
Tinitiyak ni PMaj Lim na mas papaigtingin pa nila ang kampanya kontra ilegal na droga sa kanilang nasasakupan upang makamit ang isang ligtas, payapa at malinis na pamayanan.
###
Panulat ni Patrolwoman Rialyn B Valdez
