Trinidad, Bohol – Aktibong nakiisa sa Brigada Eskwela ang Trinidad PNP sa Soom High School, Brgy. Soom, Trinidad, Bohol nito lamang Martes ika-23 ng Agosto 2022.
Ang pakikiisa ng mga tauhan ng Trinidad Municipal Police Station sa naturang programa ay sa pangunguna ni Police Major Christopher Ras Fernandez, Chief of Police at katuwang ang Bureau of Fire Protection (BFP), mga guro at staff ng naturang paaralan.
Ang Pambansang Pulisya katuwang ang iba’t ibang grupo at ahensya ng pamahalaan ay nakatuon sa pagpapanatili ng isang ligtas at malinis na paaralan upang ang mga mag-aaral at mga guro ay maging komportable.
Patuloy ang Trinidad PNP sa pagtulong anumang oras, kaisa sa mga gawain na makakatulong sa pag-unlad ng komunidad at upang lalong mapagtibay ang magandang ugnayang nabuo sa pagitan ng pulisya at komunidad.
###
Panulat ni Patrolwoman Jenilyn Consul
