Pinangunahan ng Isabela Police Provincial Office sa ilalim ng pamumuno ni PCol Julio Go, Acting Provincial Director, ang tree planting, community outreach program at KKDAT advocacy session na isinagawa sa Sitio Villa Corazon, Brgy. Manano, Mallig, Isabela, noong Biyernes, Mayo 20, 2022.
Nauna nang nakapagtanim ng 3,430 assorted seedlings ang Isabela PMFCs at Police Stations sa lalawigan ng Isabela sa kanilang isinagawang simultaneous tree planting activity.
Nagsagawa rin ng community outreach program kung saan 30 kapus-palad na benepisyaryo ang nakatanggap ng mga bitamina, gamot at libreng blood pressure check-up.
Isang KKDAT advocacy session rin ang isinagawa sa pangunguna naman ni PLtCol Michael Aydoc, Chief, PCADU kung saan nagkaroon ng talakayan sa mga KKDAT Chapter Members ng Mallig, Delfin Albano, Quezon, Quirino, Roxas, Tumauini, Cabatuan, Benito Soliven at San Manuel.
Nagbahagi naman ng testimonya ang isang former rebel sa kanyang mga pinagdaanan bilang miyembro ng Communist Terrorist Group na nagresulta ng boluntaryong pagbabalik-loob nito sa Gobyerno.
Matagumpay ang naturang aktibidad sa pagkakaisa ng Isabela PNP at sa suporta at pakikipagtulungan ng Regional Medical and Dental Unit 2; mga tauhan ng 1st at 2nd Isabela PMFC, Provincial Environment and Natural Resources-Roxas; Timpuyog Dagiti Marigrigat a Residente ti Sitio Villa Corazon; Eagles Polaris Chapter CVR2; KKDAT-Isabela at mga miyembro ng National Coalition of Lingkod Bayan Advocacy Support Groups and Force Multipliers.
Source: Isabela PPO
###
Panulat ni Police Corporal Carla Mae P Canapi
