Rizal — Nagsanib pwersa ang pulisya, LGU, at mga miyembro ng force multipliers sa pagsasagawa ng tree planting activity at clean-up drive sa harap ng Sto. Niño Parish Church, Brgy. Sto. Niño, San Mateo, Rizal, nito lamang Sabado, Hunyo 3, 2023.
Nagsimulang linisin ng mga lumahok ang nasabing lugar bandang alas-6:30 ng umaga bago ito taniman ng 100 seedlings ng mahogany.
Sa pamamagitan ng pagtutulungan ng mga tauhan ng Police Community Affairs and Development Group at San Mateo Municipal Police Station, mga kawani ng Brgy. Sto. Niño, at miyembro ng Triskelion San Mateo, Citizen Crime Watch National Unified Force Anti-Crime and Protection, matagumpay na naitanim ang mga seedlings at nalinis ang lugar.
Naniniwala ang grupo na hindi ito ang huling pagtatanim at paglilinis nila dahil patuloy sila sa pagsasagawa ng mga ganitong aktibidad upang malinisan, mapayabong at mas lalo pang mapaganda ang inang kalikasan.
