Mangatarem, Pangasinan – Pinangunahan ng Mangatarem PNP ang pagsasagawa ng Tree Planting Activity sa Brgy. Sapang, Mangatarem, Pangasinan nito lamang Sabado, Agosto 20, 2022.
Kabilang sa nakiisa sa aktibidad ay ang Local Government Unit ng Mangatarem na pinangunahan ni Municipal Mayor Ramon P. Ventenilla at mga tauhan ng Mangatarem PNP na pinangunahan naman ni Police Major Arturo C. Melchor Jr., Chief of Police.
Tinatayang nasa 300 na calamansi seedling ang naitanim ng grupo sa naturang barangay.
Ayon kay PMaj Melchor Jr., ang pinagtaniman nila ng mga seedling ay dating tapunan o tambakan ng basura kung kaya naman napakagandang aktibidad ang kanilang isinagawa sapagkat ang dating maduming lugar ay kanilang ginagawang malinis at maaliwalas ang lugar.
Patuloy naman ang Mangatarem PNP sa pagsasagawa ng mga aktibidad at proyekto kung saan makikinabang ng lubos ang mamamayan upang gumaan ang kanilang pamumuhay.
Source: Mangatarem Municipal Police Station
###
Panulat ni Patrolman Viljon Comilang
