Cebu – Pinangunahan ng mga tauhan ng Barili Municipal Police Station ang Tree Planting Activity na ginanap sa Sitio Kantaraging, Brgy. Minolos, Barili, Cebu nito lamang Pebrero 3, 2023.
Ang aktibidad ay pinangasiwaan ng Hepe ng Barili MPS na si Police Major Janus O Giangan, katuwang ang mga miyembro ng COMPACT (Community and Police Against Criminality and Terrorism) Barili Chapter.
Sa pagtutulungan ng mga ito ay matagumpay na naitanim ang tinatayang nasa 200 na puno ng Narra sa nasabing lugar.
Sa naturang aktibidad ay ipinaabot ni Police Major Janus Giangan, ang kanyang pasasalamat sa patuloy na pagpupursige ng mga kasamahan nito maging sa lahat ng mga nakibahagi upang mapanatili ang kagandahan at kaayusan ng ating kalikasan.
