Tuao, Cagayan – Nagsagawa ng Tree Planting Activity ang Tuao PNP sa Barangay Bulagao, Tuao, Cagayan nito lamang Sabado, Hulyo 9, 2022.
Ang aktibidad ay pinangunahan ni Police Lieutenant Jennifer G Calauad, Officer-in-Charge ng Tuao Police Station katuwang ang mga aktibong miyembro ng KKDAT Tuao Chapter, mga Municipal Advisory Group at mga BPATs.
Ang mga grupo ay nakapagtanim ng 250 bearing fruit seedlings (40 guyabano seedlings, 20 coconut seedlings at 190 cacao seedlings) sa nabanggit na barangay.
Ito ay alinsunod sa 27th Police Community Relations Month Celebration na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan” at PNP Core Values na “Makakalikasan”.
Dagdag pa ni Police Lieutenant Calauad, ang nasabing aktibidad ay alinsunod sa programa ng Cagayan Police Provincial Office na I Love Cagayan River Seedlings of Love.
Layunin nitong itaas ang kamalayan ng komunidad sa kahalagahan ng pagtatanim para sa kinabukasan ng mga kabataan.
Hinikayat din ng PNP ang mga mamamayan na ingatan at alagaan ang mga puno at ipahayag ang pagmamalasakit sa kapaligiran upang mabawasan ang hindi magandang epekto ng pagbabago ng klima.
Source: Tuao PS
###
Panulat ni PSMS Marisol A Bonifacio
