Marinduque – Nagsagawa ng Tree Planting Activity ang mga tauhan ng Torrijos Municipal Police Station sa Barangay Bolo, Torrijos, Marinduque nito lamang ika-25 ng Pebrero 2023.
Ayon kay Police Captain Lily Nicolas, Deputy Chief of Police ng Torrijos MPS, umabot sa 500 na punla ng Narra ang naitanim ng grupo sa nasabing barangay.
Kabilang sa nakilahok ang mga tauhan ng 2nd Platoon Marinduque Provincial Mobile Force Platoon, Advocacy Support Group at Barangay Officials ng Bolo.
Layunin ng aktibidad na magbigay ng kamalayan sa publiko sa kahalagahan ng pagtatanim para sa pagsasaayos ng kalikasan at pagpapanatili ng kagandahan ng ating inang kalikasan.
Panulat ni Patrolman Erwin Calaus
