Talibon, Bohol – Nagsagawa ang mga miyembro ng Talibon Municipal Police Station ng Tree Planting Activity na inilunsad sa Barangay Tanghaligue, Talibon, Bohol nito lamang ika-19 ng Setyembre 2022.
Ang aktibidad ay pinangunahan ni Police Major Erenieto Polestico Feniza, Hepe ng Talibon MPS katuwang ang ilang miyembro ng PSBRC Class Kilas na kasalukuyang sumasailalim ng Public Safety Field Training Program at maging ang pamunuan at residente ng nasabing lugar.
Nasa mahigit 200 na piraso ng puno ang naitanim ng grupo sa naturang aktibidad.
Layunin ng aktibidad na magbigay ng kamalayan sa publiko sa kahalagahan ng pagtatanim para sa pagsasaayos ng kalikasan at pagpapanatili ng kagandahan ng kapaligiran.
Siniguro naman ng Talibon MPS at mga naging katuwang sa aktibidad na hindi sila magsasawang tumulong para sa maayos na pagsasakatuparan ng mga programa ng pamahalaan na nagsusulong sa kaayusan, kapayapaan, at kaunlaran ng lipunan.
