Sibonga, Cebu – Nagsagawa ng Tree Planting Activity ang Sibonga PNP sa Barangay Abugon, Sibonga, Cebu nito lamang umaga ng Miyerkules, Hunyo 1, 2022.
Ang aktibidad ay pinangunahan ni Police Major Rodgene Co Fudotan, Officer-in-Charge ng Sibonga Municipal Police Station, katuwang ang Women’s Association sa pamumuno ni Mrs. Susan G Nable at residente ng nasabing lugar.
Ayon kay Police Major Fudotan, umabot sa mahigit 25 piraso ng punong Mahogany ang naitanim sa nabanggit na aktibidad at ito’y alinsunod sa PNP Core Values na “Makakalikasan”.
Hinihikayat ng PNP ang mga residente ng nasabing lugar na makiisa at makilahok sa mga programa ng Pambansang Pulisya lalo na sa pangangalaga ng ating kalikasan.
###
Panulat ni Patrolwoman Jenilyn Consul
