Negros Oriental – Nagsagawa ang mga miyembro ng Siaton PNP ng Tree Planting Activity na inilunsad sa Barangay Datag, Siaton, Negros Oriental nito lamang ika-5 ng Oktubre 2022.
Ang aktibidad ay pinangunahan ni Police Major Adrian A Naual, Officer-In-Charge ng Siaton MPS katuwang ang Eagle Force Multiplier, Barangay Officials, BHW, Brgy. Tanod, IUF, Kachinas at residente ng nasabing lugar.
Bunga ng pagtutulungan ng grupo, kanilang naitanim ang nasa mahigit 100 piraso ng mahogany seedlings.
Ang aktibidad na ito ay naaayon sa PNP Core Values na “Makakalikasan” at Adopt a River Program na naglalayong pangalagaan ang ating kapaligiran.
Layunin ng aktibidad na mabigyan ng kamalayan ang mamamayan sa kahalagahan ng pagtatanim para sa pagsasaayos ng kalikasan at pagpapanatili ng kagandahan ng kapaligiran.
Panulat ni Patrolwoman Jenilyn Consul
