San Jose de Buenavista, Antique – Nagsagawa ng Tree Planting Activity ang mga tauhan ng San Jose de Buenavista PNP kasabay sa selebrasyon ng Linggo ng Kabataan 2022 nitong ika-9 ng Agosto 2022 sa Barangay Pantao, San Jose de Buenavista, Antique.
Ang aktibidad ay inisyatibo ng San Jose de Buenavista Municipal Police Station sa pangunguna ni Police Major Benjo E Clarite, Officer-In-Charge at aktibong dinaluhan ng mga miyembro ng Kabataan Kontra Droga at Terorismo, San Jose Chapter, Local Government Unit ng San Jose, kasama ang Barangay Council ng Barangay Pantao at Barangay-Based Force Multipliers.
Nakiisa rin ang mga tauhan ng Aviation Security Group ng Antique Airport Station sa pagtatanim ng puno kasama ang mga volunteers sa nasabing barangay.
Ang San Jose PNP ay patuloy na magsasagawa ng mga hakbang at inisyatibong nakakatulong sa buong komunidad partikular na sa isyung pangkalikasan gaya ng nasabing aktibidad.
###
