Maguindanao del Sur – Nagsagawa ng tree planting activity ang mga tauhan ng Rajah Buayan Municipal Police Station sa Brgy. Gaunan, Rajah Buayan, Maguindanao del Sur noong Agosto 10, 2023.
Pinangunahan ni PCpt Joel Lebrilla, Chief of Police, Rajah Buayan MPS, ang nasabing aktibidad katuwang ang 33rd Infantry Batallion ng Philippine Army, at Local Government Unit ng Rajah Buayan sa pangunguna ni Municipal Admistrator, Bai Fariza Mastura.
Ang aktibidad ay kaugnay sa linggo ng kabataan na may temang “Green Skills for Youth Towards a Sustainable World.”
Layunin ng aktibidad na mapantili ang sariwang hanging dumadaloy sa kapaligiran at maiwasan ang mataas na pagbaha sa lugar.
Samantala, hinihikayat ng PNP ang ibang kabataan at ibang advocacy group na makiisa sa ganitong klase ng aktibidad upang pagyamaning muli ang ganda ng inang kalikasan para makamit ang isang mayabong at maunlad na pamayanan.
Panulat ni Pat Mark Vincent Valencia
