Samar – Nagsagawa ng Tree Planting Activity ang mga tauhan ng 124 Special Action Company ng PNP SAF sa Brgy. Catadman, Basey, Samar nito lamang ika-14 ng Marso 2023.
Ang naturang aktibidad ay pinangunahan ni Police Lieutenant Beverly Awis, PCR PCO sa ilalim ng pangangasiwa ni Police Captain Jeffrey Pscual, Company Commander ng 124 SAC, 12SAB, SAF.
Kabilang sa nakilahok ang mga miyembro ng Kabataan Kontra Droga at Terorismo, Barangay Peacekeeping Action Team, Barangay Health Worker at Barangay Officials sa pangunguna ni Hon. Arnaldo Pader, Brgy Captain.
Umabot naman sa humigit kumulang 100 na punla ng Toog tree ang naitanim ng grupo sa nasabing barangay.
Ito ay alinsunod sa programa ng Hepe ng Pambansang Pulisya ng Pilipinas na “Malasakit, Kaayusan, Kapayapaan, tungo sa Kaunlaran” na may layuning panatilihin ang kagandahan ng kapaligiran at hikayatin ang mga kabataan na maging aktibong kabahagi sa layuning ito.
Layunin din ng aktibidad na magbigay ng kamalayan sa publiko sa kahalagahan ng pagtatanim para sa pagsasaayos ng kalikasan at pagpapanatili ng kagandahan ng ating inang kalikasan.
