Olongapo City – Matagumpay na naisagawa ang Tree Planting Activity ng Olongapo City PNP sa Sitio Lapaya, Barangay Gordon Heights, Olongapo City nito lamang Sabado, Hulyo 30, 2022.
Ang aktibidad ay pinangunahan ni Police Colonel Carlito U Grijaldo, Acting City Director ng Olongapo City Police Office kasama si Mr. Francis Maniago, City Agriculture Office, Bantay Kalikasan, at Faculty Staff na nagmula sa iba’t ibang paaralan kasama ang kanilang mga estudyante na Boy Scout at Girl Scout.
Mahigit kumulang 100 Bamboo trees ang naitanim ng PNP at ng mga mag-aaral sa nasabing barangay.
Ang naturang aktibidad ay alinsunod sa PNP Core Values na “Makakalikasan”.
Hinihikayat ng PNP ang mga mamamayan na makiisa at makilahok sa mga programa ng Pambansang Pulisya lalo na sa pangangalaga ng kalikasan.
Source: Olongapo City Police Office
Panulat ni Police Corporal Jeselle V Rivera
