Marinduque – Nagsagawa ng Tree Planting Activity ang mga tauhan ng Marinduque Provincial Mobile Force Platoon sa Barangay Ino, Mogpog, Marinduque noong ika-9 ng Hunyo 2023.
Ayon kay Police Lieutenant Colonel Marlon Hernandez, Force Commander ng Marinduque PMFP, umabot sa 300 punla ng mangrove ang naitanim ng grupo sa nasabing barangay.
Kabilang sa nakilahok ang mga tauhan ng Marinduque PPO, Mogpog MPS, Philippine Coast Guard-Marinduque, Department of Environment and Natural Resources-PENRO Marinduque.
Layunin ng aktibidad na protektahan at pagyamanin ang likas na yamang dagat dahil ang mga bakawan ang nagsisilbing tirahan ng mga nabubuhay na yamang dagat at napapanatili nito ang malinis na kalidad ng tubig ng karagatan.
Ang Pambansang Pulisya ay hindi lamang maglilingkod sa pagpapanatili ng kaayusan, katahimikan at kapayapaan sa ating bansa kundi pinapahalagahan at pinapangalagaan din nito ang ating inang kalikasan na nakapaloob sa PNP Core Values na “Makakalikasan”.
Panulat ni Patrolman Erwin Calaus
