Loboc, Bohol – Nagsagawa ng Tree Planting Activity ang Loboc Municipal Police Station sa Barangay Poblacion Sawang, Loboc, Bohol nito lamang umaga ng Martes, Hunyo 21, 2022
Ang aktibidad ay pinangunahan ni Police Lieutenant Camilo Muaña Estrera Jr, Chief of Police ng Loboc Municipal Police Station katuwang ang kasalukuyang nagsasagawa ng Police Field Training Program ng Class 2022 Region 7 at ang kanilang Field Training Officer.
Ayon kay Police Lieutenant Estrera, ang nasabing aktibidad ay alinsunod sa PNP Core Values na “Makakalikasan” na ang hangarin ay ang muling buhayin at maibalik ang maayos at ganda ng ating kalikasan.
Kaya naman, patuloy na hinihimok ng Pambansang Pulisya ang publiko na patuloy na suportahan at makiisa sa mga programa ng pamahalaan sa pagsasaayos ng ating kalikasan at mga likas na yaman.
###
