Enrile, Cagayan – Nagsagawa ng Tree Planting Activity ang Enrile PNP sa Brgy. Batu, Enrile, Cagayan ganap na 10:00 ng umaga ng Abril 18, 2022.
Ang aktibidad ay pinangunahan ni Police Lieutenant Precil Morales, Deputy Chief of Police ng Enrile Municipal Police Station kasama ang mga OJT students ng Vargas College, Barangay Level at Barangay Tanods/BPATS ng nasabing barangay.
Mahigit 80 paper tree seedlings ang naitanim ng mga grupo sa nasabing barangay.
Ang aktibidad ay alinsunod sa PNP Core Values na “Makakalikasan”.
Layunin nitong itaas ang kamalayan ng komunidad sa kahalagahan ng pagtatanim at pag-iingat ng mga puno upang maipahayag ang pagmamalasakit sa kapaligiran at upang mabawasan ang hindi magandang epekto ng pagbabago ng klima.
Source: Enrile PCR
###
Panulat ni Police Staff Sergeant Donabel T Dulin
