Eastern Samar – Nagsagawa ng tree planting activity ang mga kapulisan ng Eastern Samar sa Brgy. Canyupay, Borongan, Eastern Samar nito lamang umaga ng Sabado, Hunyo 4, 2022.
Ang aktibidad ay pinangunahan ni Police Lieutenant Colonel Rolando Dellezo, Acting Chief Commander ng 2nd Eastern Samar Provincial Mobile Force Company katuwang ang mga tauhan ng Eastern Samar PPO sa pangunguna ni Police Lieutenant Colonel Rommel Cesista, Chief, Police Community Relation na may aktibong partisipasyon mula sa mga tauhan ng Philippine Coastguard, mga opisyal ng barangay, mga mag-aaral mula sa Eastern Samar State University at iba pang ahensya.
Ang nasabing aktibidad ay naglalayon na mapangalagaan ang kapaligiran at gayundin upang itaas ang kamalayan ng lipunan sa kahalagahan ng ating likas na yaman, pagpapahayag ng ating pagmamalasakit sa kapaligiran at bawasan ang mga posibleng epekto ng pagbabago ng klima.
Ang inisyatiba na ito ay hindi lamang may kaugnayan sa lipunan at mamamayan kundi alinsunod din sa PNP Core Values na “Makakalikasan”.
Patuloy na hinihikayat ng Pambansang Pulisya ang mga mamamayan na makiisa at makilahok sa mga programang inilulunsad ng pamahalaan upang mapanatili ang kalinisan at kaayusan ng komunidad.
###
Panulat ni Patrolwoman Rialyn B Valdez
