Quezon City – Nagsagawa ng Tree Planting Activity ang kapulisan ng District Mobile Force Battalion ng Quezon City Police District sa La Mesa Ecopark, Quezon City nito lamang Biyernes, Nobyembre 4, 2022.
Ang aktibidad ay pinangunahan ng mga tauhan ng Battalion Community Affairs Section at RCSP-SIBOL sa pangunguna ni Police Lieutenant Novelson Maanao, Chief, BCAS at Police Lieutenant Colonel Geovanny Sibalo, Acting Force Commander ng DMFB-QCPD kasama ang mga kawani ng Department of Environment and Natural Resources (DENR).
Nagtanim ang grupo ng mga punla ng Narra tree na isang paraan upang bigyan ng kamalayan ang publiko sa kahalagahan ng pagtatanim para sa pagsasaayos ng kalikasan at pagpapanatili ng kagandahan ng kapaligiran.
Layunin ng aktibidad na ito na mapaigting ang relasyon ng PNP sa komunidad at mapagtibay ang Core Values ng pagiging Makakalikasan ng pulisya alinsunod sa Peace and Security Framework na Malasakit + Kaayusan + Kapayapaan = Kaunlaran (MKK=K) kasabay ng pag-iwan ng mga katagang “Plant a tree and plant hope for the future.”
Source: Battalion Community Affairs-DMFB QC
Panulat ni PSSg Remelin M Gargantos
