Maguindanao del Sur – Nagsagawa ng tree planting activity ang mga tauhan ng Datu Piang Municipal Police Station sa Brgy. Buayan, Datu Piang, Maguindanao del Sur nito lamang ika-1 ng Disyembre, 2023.
Pinangunahan ito ni Police Captain Eliezer Arancillo, Officer-In-Charge, Datu Piang MPS, katuwang ang Barangay Peacekeeping Action Teams (BPATs).
Layunin ng aktibidad na mapanatili ang sariwang hanging dumadaloy sa kapaligiran at maiwasan ang pagbaha.
Samantala, hinikayat ng PNP ang ibang kabataan at ibang advocacy group na makiisa sa aktibidad upang pagyamaning muli ang ganda ng Inang kalikasan para makamit ang isang mayabong at maunlad na pamayanan.
Panulat ni Patrolman Mark Vincent Valencia
