Quezon, Isabela (February 19, 2022) – Matagumpay na nagsagawa ng tree planting activity ang “Class Sanliyab” ng Basic Internal Security Operation Course (BISOC) sa Training Camp, Brgy. Mangga, Quezon, Isabela noong Pebrero 19, 2022.
Ang aktibidad ay pinangunahan ni Police Colonel Dante Lubos, Chief, Regional Learning Doctrine Development Division, kasama si Police Lieutenant Colonel Ernesto Macasil, Chief, Regional Special Training Unit 2 (RSTU2) at nilahukan ng mga Regional Staff at mga tauhan ng RSTU2.
Sa kabuuan, nakapagtanim ang grupo ng 300 iba’t ibang klase ng puno.
Naaayon ang aktibidad sa PNP Core Value na “Makakalikasan”. Kaugnay din ito ng programa ng Valley Cops sa ilalim ng liderato ni Police Brigadier General Steve Ludan, Regional Director, Police Regional Office 2 na “Plant a Tree Program”.
Layunin ng nasabing programa na makapagtanim ng mas maraming puno para sa mas ligtas at mas magandang kapaligiran para sa susunod na henerasyon.
###
Sa panulat ni Pat Juliet Dayag, RPCADU2
