Pinamungajan, Cebu – Nagsagawa ng tree planting activity ang mga miyembro ng 2nd Provincial Mobile Force Company, Cebu Police Provincial Office (CPPO) nito lamang Linggo, ika-11 ng Disyembre 2022 sa Brgy. Camugao, Pinamungajan, Cebu.
Ang aktibidad ay pinangunahan ni Police Staff Sergeant Robert Sabequil sa pangangasiwa ni Police Lieutenant Colonel Apream Paguyod, Force Commander, at masugid na nilahukan ng mga miyembro ng Advocacy Support Group kabilang na ang Kabataan Kontra Droga at Terorismo (KKDAT), Faith-Based Group, mga pamunuan at residente ng nabanggit na barangay.
Tinatayang nasa mahigit 100 piraso na punong halaman ang naitanim ng grupo sa lugar.
Ang aktibidad ay alinsunod sa peace and security framework ng PNP na M+K+K=K (Malasakit, Kaayusan, Kapayapaan Tungo sa Kaunlaran), sa ilalim ng Programang KASIMBAYANAN (Kapulisan, Simbahan at Pamayanan) na may layunin na maprotektahan at mapangalagaan ang kalikasan kaugnay nito ang mapanatili ang kaayusan at kaligtasan ng mamamayan.
