Romblon – Nagsagawa ng Tree Planting Activity ang mga tauhan ng Calatrava Municipal Police Station sa Brgy. San Roque, Calatrava, Romblon noong ika-2 ng Abril 2023.
Ayon kay Police Captain Nanette Pablico, Officer-In-Charge ng Calatrava MPS, umabot sa 200 na punla ng iba’t ibang uri ng puno na namumunga ang naitanim ng ating mga kapulisan sa nasabing Barangay.
Kabilang sa nakilahok ang mga Barangay opisyals ng Brgy. San Roque, Calatrava, Romblon.
Ang ganitong uri ng aktibidad ay isang paraan para maprotektahan ang kalikasan dahil sa patuloy na climate change at para labanan ang global warming.
Layunin ng aktibidad na mabigyan ng kamalayan ang mga residente kung ano ang importansya ng pagtatanim ng puno at paano maisalba ang ating likas na yaman.
Panulat ni Patrolman Erwin Calaus
