Nagsagawa ng Tree Planting Activity ang mga kapulisan ng Brooke’s Point Municipal Police Station sa Barangay Tubtub, Brooke’s Point, Palawan nito lamang ika-29 ng Pebrero 2024.
Ang aktibidad ay pinangunahan ng mga tauhan ng Brooke’s Point Municipal Police Station sa ilalim ng pamumuno ni Police Captain Sir Dhayrius L Redondo, Officer-In-Charge kasama ang mga piling mag-aaral ng Ipilan National High School at mga guro ng Maquina B Tunggal Elementary School sa pamumuno ni Ginang Carolina Magdayao, Head Teacher 3.
Nakapagtanim ang mga nakilahok ng 30 na iba’t ibang seedlings sa nasabing barangay.
Ang gawaing ito ay bahagi ng PNP Core Values na “Makakalikasan” at sa patuloy na adbokasiya para isulong ang preserbasyo at proteksyon sa ating kalikasan.
Makiisa at makipagtulungan sa pangangalaga ng kalikasan sapagkat ito ang ating sandigan para sa magandang kinabukasan.
Source: PCR Brooke’s Point
Panulat ni Patrolwoman Ana Rose D Guadaña
