Basay, Negros Oriental – Nagsagawa ang mga tauhan ng Basay Municipal Police Station ng Tree Planting Activity sa Brgy. Bangalonan, Basay, Negros Oriental nito lamang umaga ng Sabado, Setyembre 10, 2022.
Ang aktibidad ay pinangunahan ni Police Lieutenant Julius Rene C Peñaflorida, Chief of Police, katuwang ang pamunuan ng nasabing barangay at ang ilang mga kawani nito.
Sa naturang aktibidad ay nakapagtanim ang grupo ng nasa mahigit 50 piraso ng halamang mahogany.
Ayon naman kay Police Lieutenant Peñaflorida, hangad ng naturang aktibidad na maipakita na ang hanay ng Pambansang Pulisya katuwang ang komunidad ay kasama ng pamahalaan sa pagpapaganda, pangangalaga at pagpoprotekta sa kalikasan.
Sinisiguro naman ng Basay MPS ang pagkakaroon ng malasakit katuwang ang mga residente na sakop nito upang magkaroon ng maayos at ligtas na kapaligiran.
