Puerto Princesa City – Nagsagawa ng Tree Planting Activity ang mga tauhan ng 4th Platoon, Puerto Princesa City Police Office sa Sitio Manturon, Brgy. Cabayugan, Puerto Princesa City noong ika-26 ng Marso 2023.
Ayon kay Police Captain Justine Kenneth Dalion, Platoon Leader ng 4th Platoon, PPCPO, umabot sa 200 na punla ng mahogany ang naitanim ng grupo sa nasabing lugar.
Kabilang sa nakilahok ang mga tauhan ng Philippine Coast Guard, Philippine Marines, 53rd Maneuver Company MBLT, Commander CCSS Sabang, Protected Area Management Board (PAMB), Non-Government Organizations (NGO) at mga barangay officials ng Cabayugan.
Ang aktibidad ay alinsunod sa PNP Core Values na Makakalikasan na naglalayong hikayatin ang mga mamamayan na panatilihin ang kalinisan at kagandahan ng ating inang kalikasan.
Panulat ni Patrolman Erwin Calaus
