Bongabong, Oriental Mindoro – Nagsagawa ng Tree Planting Activity ang mga tauhan ng 1st Platoon ng 2nd Provincial Mobile Force Company Oriental Mindoro sa Brgy. San Isidro, Bongabong, Oriental Mindoro noong Hunyo 5, 2022.
Ang aktibidad ay pinangunahan ni Police Lieutenant Colonel Aldwin Santos, Force Commander ng 2nd Provincial Mobile Force Company, kasama ang Kabataan Kontra Droga at Terorismo, mga Barangay Officials at Barangay Peacekeeping Action Teams.
Umabot sa 250 na puno ng mangga ang naitanim ng mga grupo sa nasabing barangay.
Ang naturang aktibidad ay alinsunod sa PNP Core Values na “Makakalikasan”.
Hinihikayat ng PNP ang mga mamamayan na makiisa at makilahok sa mga programa ng Pambansang Pulisya lalo na sa pangangalaga ng ating kalikasan, upang mapanatili ang kagandahan at kasaganahan ng likas na yaman sa bansa.
Source: Secondpmfc OrMin
###
Panulat ni Patrolman Erwin Calaus
