Nagsagawa ng Tree Planting Activity ang 2nd Provincial Mobile Force Company, Aurora Police Provincial Office katuwang ang Municipal Environment and Natural Resources Office, kasama ang Friendly Forces, Women’s Sector at mga Barangay Officials sa Barangay Esteves, Casiguran, Aurora nito lamang Sabado ika-1 ng Hunyo 2024.
Ang naturang aktibidad ay pinangunahan ni Police Lieutenant Colonel Cielo L Caligtan, Force Commander ng 2nd PMFC, Aurora PPO.
Kaugnay ito sa PNP Core Values na “Maka-kalikasan” na naglalayong mapangalagaan ang ating kalikasan at mapadami ang puno na nakatanim sa ating kapaligiran upang maiwasan ang pagbaha.
Samantala, patuloy naman ang paghikayat ng Pambansang Pulisya na makiisa sa aktibidad upang pagyamaning muli ang ganda ng Inang kalikasan para makamit ang isang mayabong at maunlad na pamayanan.
Source: Aurora 2nd PMFC, Aurora PPO
Panulat ni Pat Marimar J Junio
