Nueva Vizcaya – Nagsagawa ng Tree Planting Activity ang mga tauhan ng 4th Maneuver Force Platoon ng 2nd Nueva Vizcaya Provincial Mobile Force Company (PMFC) sa Sitio Nayao, Brgy. Pangawan, Kayapa, Nueva Vizcaya noong ika-7 ng Hulyo 2023.
Katuwang ng kapulisan ang Municipal Environment and Natural Resources, at opisyal ng barangay sa pagtatanim ng may kabuuang 200 fruit bearing trees.
Ang aktibidad na ito ay naglalayong imulat sa lipunan ang kahalagahan ng pagtatanim at pag-iingat ng mga puno, at upang maipahayag ang ating malasakit sa kalikasan.
Ang Pambansang Pulisya ay patuloy na nakikiisa sa mga programang may kinalaman sa pangangalaga ng kalikasan katuwang ang iba’t ibang sektor ng pamahalaan at komunidad para sa ikabubuti ng ating lipunan at kapaligiran.
Source: 2nd Nueva Vizcaya PMFC
