Sulu – Nagsagawa ng tree planting activity ang mga tauhan ng 2nd Manuever Platoon, 1404th Regional Mobile Force Company RMFB BASULTA na kung saan ay puno ng niyog ang itinanim sa Brgy. Liang, Patikul, Sulu nito lamang ika-8 ng Disyembre 2023.
Ang naturang aktibidad ay pinangunahan ni Police Lieutenant Teofisto Garduque, Platoon Leader, 2nd Manuever Platoon, 1404th RMFC, RMFB BASULTA.
Kaugnay ito sa PNP Core Values na “Maka-kalikasan” na naglalayong mapangalagaan ang ating kalikasan at mapadami ang puno na nakatanim sa ating kapaligiran upang mabawasan ang polusyon at maiwasan ang pagbaha.
Samantala, hinikayat ng PNP ang ibang kabataan at ibang advocacy group na makiisa sa aktibidad upang pagyamaning muli ang ganda ng Inang kalikasan para makamit ang isang mayabong at maunlad na pamayanan.
Panulat ni Patrolman Mark Vincent Valencia
