Tuloy- tuloy ang pangangalaga ng kapaligiran ng 1st Provincial Mobile Force Company, Aurora Police Provincial Office sa pamamagitan ng Tree Planting Activity sa Barangay Villa, Maria Aurora, Aurora nito lamang Biyernes, ika-17 ng Mayo 2024.
Ang naturang aktibidad ay pinangunahan ni Police Major Jeffrey S Onde, Force Commander ng 1st Provincial Mobile Force Company, Aurora Police Provincial Office katuwang ang mga miyembro ng Aliaga Masonic Lodge no. 404 at Department of Environment and Natural Resources ng Aurora.
Kaugnay ito sa PNP Core Values na “Makakalikasan” na naglalayong mapangalagaan ang ating kalikasan at mapadami ang puno na nakatanim sa ating kapaligiran upang mabawasan ang polusyon at maiwasan ang pagbaha.
Samantala, patuloy naman ang paghikayat ng Pambansang Pulisya ang mga kabataan na makiisa sa aktibidad upang pagyamaning muli ang ganda ng Inang kalikasan para makamit ang isang mayabong at maunlad na pamayanan.
Panulat ni Digna Jane Tenorio Malubay
