Palawan – Nagsagawa ng Tree Planting Activity ang mga tauhan ng 1st Palawan Provincial Mobile Force Company sa Brgy. Pulot Interior, Sofronio Española, Palawan nito lamang Miyerkules, ika-10 ng Mayo 2023.
Ayon kay Police Lieutenant Colonel Klintom Rex Jamorol, Force Commander ng 1st Palawan PMFC, umabot sa 200 punla ng mahogany ang naitanim ng grupo sa nasabing lugar.
Kabilang sa nakilahok ang mga tauhan ng Sofronio Española MPS, mga guro at estudyante ng Pulot Interior, Elementary School.
Ang ganitong uri ng aktibidad ay paraan para maprotektahan ang kalikasan dahil sa patuloy na climate change at para labanan ang global warming.
Layunin ng aktibidad na mabigyan ng kamalayan ang mga residente kung ano ang importansya ng pagtatanim ng puno at paano maisalba ang ating likas na yaman.
Panulat ni Patrolman Erwin Calaus
