Nagsagawa ng Tree Planting Activity sa ibat ibang barangay sa Bacacay ang mga kapulisan ng Bacacay Municipal Police Station sa pangunguna ng kanilang hepe na si Police Major Michael P Lorilla.
Bilang suporta sa programa ng Pambansang Pulisya na Kaligkasan at bilang isa sa Core Values nito na Makakalikasan, nakiisa ang mga naturang kapulisan sa pagtatanim ng mahigit kumulang na 2000 mangroves, mahogany, atipolo, narra tree, at mga fruit bearing trees sa dalawampu’t tatlong (23) barangay na nasasakupan ng nasabing munisipalidad.
Ito rin ay kaugnay sa kanilang motto na SAFE o ang “Seen, Appreciated, and Felt by the people and all actions of the Police must be Extraordinary” na palaging pinapaalala ng butihing Regional Director ng Region 5 na si Police Brigadier General Jonnel Estomo.
Ang mga punong itinanim ay galing sa mga patuloy na sumusuporta sa mga kapulisan gaya ng Department of Environment and Natural Resources ng Rehiyon 5, PENRO at Tiwi Watershed.
Ang naturang aktibidad ay binansagan nilang “Puno ng Buhay” na naglalayong tuloy-tuloy ang pagtatanim ng mga punongkahoy sa kanilang nasasakupan at itaas ang kamalayan lalo na sa mga kabataan na pangalagaan at pahalagahan ang kalikasan.
Kasama rin sa naturang aktibidad ang Advocacy Support Groups, Force Multipliers, NGO’s, at LGU.
####
Article by: Patrolman Cristopher D Ignacio
