Arestado ang isang traysikel drayber sa krimeng pagnanakaw ng baril ng isang pulis sa Barangay Alapan 2-A, Imus City, Cavite nito lamang Pebrero 21, 2024.
Kinilala ni Police Lieutenant Colonel Jack Echman Angog, Chief of Police ng Imus Component City Police Station, ang suspek na si alyas “Jhomar”, 28, traysikel drayber, walang asawa, residente ng Greengate Homes, Barangay Malagasang 2-B, Imus City, Cavite.
Ang nanakawan na pulis ay kinilala naman na si Patrolman Monroe Rodriguez y Bantugan, 35, kasalukuyang nakadestino sa Police Community Precinct 7 ng Imus Component City Police Station.
Pagkatapos mapanood sa CCTV ng himpilan na kinuha ng suspek ang belt bag na naglalaman ng isang baril na CANIK cal. 9mm na may Serial Number T6472-18 BG 11648 na may nakasalpak na magasin at may 10 bala ay pinuntahan mismo ng biktimang pulis ang bahay ng suspek at doon namataan at narekober ang nakuhang belt bag.
Ang akusado ay sasampahan ng kasong pagnanakaw (Theft/Salisi).
Alinsunod sa kasalukuyang adhikain ng pamahalaan, ang kapulisan ay patuloy sa pagpapaigting sa kampanya laban sa kriminalidad sa buong bansa para makamit ang kaayusan, katahimikan at kaunlaran ng bawat isa.
Panulat ni Patrolwoman Angelica Rica Teng
